(فوبيا الصدارة !)

وش هو الجديد ؟

العادة جرت كل ما فشل واحد (يصيح) ..

وش هو الجديد ؟

إن ماقدرت تغلبه ولا توصل وتقربه فالحل إنك (تصيح) ..

وش هو الجديد ؟

الجمل إذا ماقدرت تبركه بتقعد (تصيح) ..

وش هالجديد ؟

المواطن من سعر "الطماطم" (يصيح) ..

----- 

تدري وش هو الجديد ؟

الجديد إن : الأنا القوي وأقدر أسوي ماعاد تفيد ..

تدري ليش ماعاد تفيد ؟

لأن "جوهر" .. زمانه ولّى ، وجدّ زمانٍ جديد ..

و إن كان ظنك العالم بكيفك ، تراك عايش في عالم بعيد ..

في هالزمن ماهو بكل حرٌ و "سالم" بيقول : 

بأسكت ولو "علي" بتهديده "يزيد" ..

في أسبوع :

- الـ TOMS شركة عالمية مختصة بالأحذية المصنعة بمواد طبيعية ولا تنتج مواد جبسية ، علمووه !

- "الكووورة" وإن كانت "في المرمى" فلن تحتسب لأن تسجيلها تم من قبل لاعب غير مقيد في كشوفات الحياد والمهنية .

- عودوا لما تعرض له الرمز الهلالي سمو الأمير بندر بن محمد الكبير من إشاعات مغرضة لتعرفوا أين وصل بهم الحال في "الحضيض" الأخلاقي .

- إتحاد الفايز متى نشوفه فايز ؟

- الأهلي حبة حبة ويخووووف ..

- الشباب ماعاد له من اسمه نصيب !

تغريدة لهم :

من حل دار الناس حلوا دياره

لا بد ما تسكن دياره ويغبنّ

ومن شق ستار الناس شقّوا ستاره

ومن ضحك بالثرمان ضحك بلا سِنّ

فهد الزهراني